تسابيح الرجاء ‎#381

381. بعد بعادي وبعد عنادي

1- بعد بعادي وبعد عنادي
بعد ما كنت غريب وشريد
جيت يا حبيبي مسكت بإيدي
اديت لحياتي طعم جديد

القرار
مجدا مجدا ليك يا فادي
شكرا شكرا على البنوية
حميتني وفتحت عيني
على حب ما لوش أي حدود

2- في كل أمالي وفي أعمالي
لقيته جنبي أعز صديق
عينه علي وإيده بايدي
خطوة في خطوة في كل طريق

3- في كل أتعابي وفي صعوباتي
لقيت الصعب معاه يهون
لحظة طلبته جاني بحبه
وادى حياتي طعم ولون

4- لما افكر أن أذكر
أفضالك يا إلهي البار
أرفع إيي واجدد عهدي
واهتف لك وبكل فخار

Text Information

• First Line: بعد بعادي وبعد عنادي
• Refrain First Line: مجدا مجدا ليك يا فادي
• Language: Arabic
• Publication Date: 2000

Tune Information

(No tune information)