قلبي أسير نعمتك

1- قلبي أسير نعمتك
وعملها في قلب حياتي
دا انا مديون لرحمتك
من بداياتي لنهاياتي
جبتني من المزابل
وصنعت لي إسم جديد
وكنت راجع وقابل
تقبلني ضمن العبيد
(قلبي أسير)3 نعمتك

2- قلبي رهين كلمتك
وجهني منين ما تريد
دا انا مشتاق في سكتك
صوتك في حياتي يزيد
واتحرك وانا شايفك
ببساطة عين عارفاك
وأعيش لك وانا خايفك
بقداسة ناس عايزاك
(قلبي رهين)3 كلمتك

3- قلبي شهيد خدمتك
وأضيَّع فيها الغالي
أعلن إسمك وفديتك
وصليبك وانكر حالي
يد على المحرات
وبالتانيه بامسح دموعي
ناسي كل اللي فات
وصوابعي لاجلك شموعي
(قلبي شهيد)3 خدمتك

4- قلبي مناه مجيتك
ويكون في سراجي الزيت
مع حكيمات بيعتك
كعذارى لزِمنَ البيت
سهري لاسمك باغني
ونشيد يجُرّ نشيد
وفوق ها يبقى التَّغنِّي
بفرْح أبدي ومجيد
(قلبي مناه)3 مجيتك


Source: رنموا للرب #687