The Cyber Hymnal ‎#14788

14788. നിത്യനായ യഹോവായെ

നിത്യനായ യഹോവായെ! ലോക വൻ കാട്ടിൽ കൂടെ,
ബലഹീനനായ എന്നെ നടത്തി താങ്ങേണമേ.
സ്വർഗ്ഗ അപ്പം സ്വർഗ്ഗ അപ്പം എനിക്കു തരേണമേ.

നിത്യ പാറ തുറന്നിട്ട്‌, ജീവജലം നല്കുക!
അഗ്നി മേഘ തൂണു കൊണ്ട് പാത നന്നായ് കാണിക്ക.
ബലവാനെ ബലവാനെ രക്ഷ നീ ആകേണമേ!

ദൈവ ശക്തി എൻ ശരണം തൻ പ്രവർത്തി ആശ്ചര്യം!
പാപത്തിന്നടിമപ്പെട്ട സ്വന്തത്തെ താൻ രക്ഷിക്കും.
സാത്താൻ ശക്തി, ശാപമൃത്യു, സർവ്വവും താൻ തോല്പിച്ചു.

യോർദ്ദാനെ ഞാൻ കടക്കുമ്പോൾ ഭയം എല്ലാം മാറ്റുകേ!
മൃത്യുവിനെ ജയിച്ചോനെ കനാനിൽ കൈക്കൊള്ളുക.
നിന്നെ മാത്രം നിന്നെ മാത്രം ഞാൻ എന്നേയ്ക്കും സ്തുതിക്കും.

വിണ്ണിൻ വാസം ഓർക്കുന്തോറും മോദം ഉള്ളിൽ ഏറുന്നു,
എന്നാത്മാവു വാഞ്ചിക്കുന്നു യേശുവേ വരേണമേ.
ഭൂവിലെങ്ങും മായ മാത്രം! എന്നെ ചേർത്തിടെണമേ.

Text Information

• First Line: നിത്യനായ യഹോവായെ! ലോക വൻ കാട്ടിൽ കൂടെ
• Title: നിത്യനായ യഹോവായെ
• English Title: Guide mo, O Thou great Jehovah
• Author: William Williams
• Translator: Simon Zachariah
• Language: Malayalam
• Copyright: Public Domain

Tune Information

• Name: [നിത്യനായ യഹോവായെ! ലോക വൻ കാട്ടിൽ കൂടെ]
• Composer: John Hughes
• Key: A Major
• Copyright: Public Domain