M. B. Landstads Kirkesalmebog og "Nokre Salmar" ved Professor Dr. E. Blix, samt følgende tillæg ‎#745

745. Gud, sjaa fraa Himmelen hertil

1 Gud sjaa fraa Himmelen hertil
Og hjelp oss av din Naade!
So faae her deg fylgja vil,
Ditt Folk er stadt i Vaade.
Ditt Ord i Verdi litet gjeld,
Og Trui er som sloknad Eld.
Myrkt ser det ut paa Jordi.

2 Med Lærdom rang paa Lygnarveg
No renna mange Munnar;
Dei semjast ikkje millom seg,
Staa ei paa Gudsords Grunnar:
Ein ropar det, ein Annan hitt
Og villar oss med Mannavit
Og Sannleiks fagre Læte.

3 Gud hjelpe daa den arme Jord
Fyr all den range Læra!
Dei tala og so store Ord:
Kven vaagar mot oss vera?
Me hava Rett, me hava Magt,
Alt gjeld, naar me det hava sagt,
Kven vil vaar Meister vera?

4 Daa segjer Gud: No upp eg maa
Og deira Ovmod aga.
Eg til mitt arme Folk vil sjaa,
Som sukka maa og klaga.
Mitt gode Ord skal ganga fram
Og gjera Fienden til Skam,
Men mine Arme styrkja.

5 Sjau Gonger Gull vert skirt i Glod,
Og elden Sylv maa klaara:
So skin Guds Ord med Gullglans god
Igjenom Naud og Taara.
Naar under Kross det rett vert røynt,
Den kraft, som laag i Ordet løynt,
So langt um Land skal lysa.

6 Gud, lat din Lærdom lysa rein
Her i di kristne Kyrkja!
Naar falske Andar gjera Mein,
So lat ditt Ord oss styrkja!
Statt upp, vaar Gud, aa halda Dom,
Lat ikkje Lygn faa Raaderom,
Guds Born til Sorg og Kvida!

Text Information

• First Line: Gud, sjaa fraa Himmelen hertil
• Author: Luther
• Language: Nynorsk
• Publication Date: 1897
• Topic: Salmar til Kyrkjeaaret: 8. Sundag etter Trieinings-Helg; Hymns for the Church Year: Eighth Sunday after Trinity Sunday; 8 Søndag efter Trefoldigheds Fest: Til Hoimesse; Eighth Sunday after Trinity Sunday: High Mass
• Notes: Etter Luther; Tone: O Gud, af Himlen se hertil (L. 497)

Tune Information

(No tune information)