Author: Phillips Brooks; W. Harvey Appears in 6 hymnals Lyrics: 1. Ho eta urbo Betlehem'! Vi kuŝas en trankvil'
En paco de sensonĝa dorm' sub milda stela bril'.
Sed brilas tra la nokto eterna lumradi' :
L' esperoj de la tuta mond' sin turnas nun al vi.
2. Maria naskis Kriston ; kaj supre anĝelar'
Kun miro ame gardas lin, dum dormas la homar'.
Matenaj steloj, kantu la naskon kun fier'!
Al Dio estu gloro nun, kaj paco sur la ter'.
3. En trankvileco kaj silent' okazis lia ven' ;
Kaj same al la homa kor' doniĝas ĉiu ben'.
Ne aŭdas ni la venon ; sed al la peka mond',
Se oni nur akceptos lin, li venos je respond'.
4. Ho Sankta Beb' el Betlehem'! Ni preĝas el la kor':
Naskiĝu vi jam nun en ni kaj pekon pelu for.
La sankta anĝelaro ĝojegas en ĉiel' ;
Ho venu kaj restadu nun kun ni, Emanuel'! Topics: Christmas Scripture: Matthew 2:6 Used With Tune: FOREST GREEN Text Sources: HE 34
Ho eta urbo Betlehem'
My Starred Hymns
My FlexScores
My Hymnals
My Purchased Files
