Author: Philipp Nicolai; Guido Holz Appears in 1 hymnal Lyrics: 1. "Ho vekiĝu", jen la voko
De l' gardoj sur la tura roko,
"Vekiĝu do, Ciona gent'."
Noktomeza estas horo.
Jam trafas hela nin sonoro:
"Ek, virgulinoj kun prudent'!
Fianĉo venas, ho!
La lampojn prenu do.
Haleluja.
Pretiĝu al la nupto vi,
Renkonte iru nun al li."
2. Cion kanton tiun aŭdas,
Ĝojplene ŝia koro laŭdas,
Kaj ŝi leviĝas kun akcel'.
Venas de l' ĉiela sfero
L' amiko sava, reĝ' de l' vero:
Eklumas brile ŝia stel'.
"Nun venu, kara kron',
Jesu' de l' alta tron'!
Di', hosana.
Ni sekvos Vin por la solen',
Ĉeestos al la Di-festen'."
3. Gloron kantu ĉiu lango
El homa kaj anĝela rango,
La harpoj kaj cimbala son'.
Dek du perloj jen por la pordoj
De Cion; staras ni en l' ordoj
De l' anĝelar' ĉe Via tron'.
Ekvidis ne okul',
Ekaŭdis ne vivul'
Tian ĝojon.
Jubilu ni el funda sin'
Do "Haleluja" ĝis la fin'. Topics: Advento Used With Tune: WACHET AUF Text Sources: Ad 189
Ho vekiĝu, jen la voko
My Starred Hymns
My FlexScores
My Hymnals
My Purchased Files
