1 Still no dine Strengjer,
Ande, lyft no Vengjer,
Stig med Song i Sky!
Alle, som kann mæla,
Syng i Dag um Sæla
Rund i Bygd og By!
Mann og Møy
Um Land og Øy,
Kristenfolk fraa alle Leider,
Syng til Jesu Heider!

2 Sjaa, Guds Son med Siger
Upp til Himmels stiger
Til sin Kongestol!
Engleskaren helsar
Himmelfaren Frelsar
Som all Skapnings Sol.
Jesu Gjerd
Og Himmelferd
Lova dei i kvite Klæde
Sælt med Sigers Kvæde.

3 Heil deg i ditt Velde,
Drott, som Dauden felde,
Ormen slog i Hel!
Vonde Andar graata,
Alle Himelar laata
Høgt av Lovsong sæl.
Lov og Ros
Fyr Liv og Ljos
Fylgje deg paa Himmelferdi
Fraa den frelste Verdi!

4 No er Freden vunnen,
Himmelvegen funnen
Ved vaar Frelsarmann.
Gjenom Fyrehenget
Inn han heve gjenget
Og vaar Løysning vann.
Høg og sterk
Med velgjort Verk
Sit han yver sol og Stjerna,
Der han vil oss verna.

5 So eg glad og trugen
Heim vil venda Hugen,
Der du Frelsar, er.
Maa ei Stund eg bida
Og av Lengting lida,
Heim daa Vegen ber.
Glad og nøgd
Til Himmelhøgd
Upp eg stunda vil og stara,
Til eg heim fær fara.

6 Far daa sæl og fegen
Upp i Fyrevegen!
Snart eg fylgja skal.
Du meg upp vill draga
Og eit Rom meg laga
I din Himmelsal.
So eg dreg
Den same Veg;
til din Heim du vil meg lysa,
I di Hall meg hysa!