Ondegaro preter lim'

1. Ondegaro preter lim'
Frapegadas ĉe l' anim';
Tamen en trankvilo mi
Frontas al tempest-defi':
Mia ankro tra l' futur'
Tenas min en plen-sekur'.

Blovu kiom ajn ŝtorm-pel'
Kontraŭ febla barka vel':
Per la graco tenos min
Dia ankro ĝis la fin'.
Dio tenas min. La ankro tenas min.

2. Ĉirkaŭ min en flus-inund'
La minacoj el profund'.
Jen hurlegas uragan'
Kvazaŭ spiro de Satan':
Min ne movas venta ŝok',
Ĉar mi kroĉis min al Rok'.

Blovu kiom ajn ŝtorm-pel'
Kontraŭ febla barka vel':
Per la graco tenos min
Dia ankro ĝis la fin'.
Dio tenas min. La ankro tenas min.

3. Kaj la ankro fiksis sin,
Kvankam ventoj skuas min,
Nevidata kablo ja
La tension portas tra
La plej-forto de l' skual'
Ĝis la fina tajda fal'.

Blovu kiom ajn ŝtorm-pel'
Kontraŭ febla barka vel':
Per la graco tenos min
Dia ankro ĝis la fin'.
Dio tenas min. La ankro tenas min.

4. Preskaŭ min inundas ĝen'
Kaj afliktoj kaj ĉagren';
Min delogi strebas tent';
Lumon kaŝas nuba vent':
Sed en Krist' kuraĝas mi:
Ankro firma estas Li.

Blovu kiom ajn ŝtorm-pel'
Kontraŭ febla barka vel':
Per la graco tenos min
Dia ankro ĝis la fin'.
Dio tenas min. La ankro tenas min.

Source: TTT-Himnaro Cigneta #384