The Cyber Hymnal ‎#14634

14634. ഞാൻ ചൊല്ലീടാനരുൾ ചെയ്ക

1 ഞാൻ ചൊല്ലീടാനരുൾ ചെയ്ക
നിൻ ശബ്ദം മാറ്റൊലി കൊൾവാൻ
നീ തേടുംപോൽ അന്വേഷിപ്പാൻ
അലയുന്നോരെ രക്ഷിപ്പാൻ

2 ഞാൻ നയിപ്പാൻ നയിക്കെന്നെ
പതറും കാൽകൾ നിൻ പാദെ
മധുരമാം നിൻ മന്നയാൽ
പോഷിപ്പിക്കെന്നെ പോഷിപ്പാൻ

3 ശക്തനാക്കെന്നെ നിന്നീടാൻ
ഉറപ്പാം ക്രിസ്തൻ പാറമേൽ
ആഴക്കടലിൽ വീണോരെ
സ്നേഹത്താൽ ഞാൻ വീണ്ടെടുപ്പാൻ

4 നിൻ മൂല്യങ്ങൾ പഠിപ്പിക്ക
പഠിപ്പിച്ചീടാൻ ഞാൻ പിന്നെ
എൻ വാക്കിനാൽ ഹൃദയങ്ങൾ
ശോധന ചെയ്യാൻ ആഴത്തിൽ

5 നൽകെനിക്കു നിൻ വിശ്വാസം
നിൻ ആശ്വാസം നല്കീടാനായ്
നിന്നിൽ നിന്നുള്ള വാക്കുകൾ
ക്ഷീണിച്ചോർക്കെല്ലാം എകീടാൻ.

6 നിൻ പൂർണ്ണത എനിക്കേക
തുളുമ്പും വരെ എൻ മനം
നിൻ വചനത്തിൻ ശോഭയാൽ
നിൻ സ്നേഹം മുറ്റും ഘോഷിപ്പാൻ

7 ശക്തനാക്കുക എന്നേയും
എപ്പോഴും എല്ലായിടവും
നല്ക നിൻ മോദം സന്തോഷം
നിൻ മുഖം ദർശ്ശിക്കും വരെ

Text Information

• First Line: ഞാൻ ചൊല്ലീടാനരുൾ ചെയ്ക
• Title: ഞാൻ ചൊല്ലീടാനരുൾ ചെയ്ക
• English Title: Lord, speak to me that I may speak
• Author: Frences R. Havergal
• Translator: Simon Zachariah
• Meter: LM
• Language: Malayalam
• Copyright: Public Domain

Tune Information

• Name: CANONBURY
• Composer: Robert Alexander Schumann
• Meter: LM
• Key: G Major or modal
• Copyright: Public Domain