159b. Ĝojo ravas mian koron

1. Ĝojo ravas mian koron
Aŭdas mi,
ĉie ĉi,
Dolĉan anĝel-ĥoron;
"Krist' naskiĝis!" kantas ĥoro
Tra l' aer',
al la ter',
"Kristo la Sinjoro!"

2. Aŭdu! voĉo en sincero
Jen al ni
diras ĝi,
"Fuĝu de danĝero;
Fratoj, venu en liberon,
Ĉar al vi
donas mi
Vivon kaj esperon."

3. Venu, ni rapide iru
Por ke ni
antaŭ li
Surgenue miru;
Ame li al ni sopiras,
Jen la stel',
Dia hel',
Nin al li ĝi tiras.

4. Vin, Sinjoro, mi obeos,
Ĝis la fin'
amos vin,
Do, mi ne pereos;
Restos mi en domo via,
En la ĝoj',
sen aloj',
De eterno Dia.

Text Information
First Line: Ĝojo ravas mian koron
Title: Ĝojo ravas mian koron
German (via English) Title: Fröhlich soll mein Herze springen (All my heart this night rejoices)
Author: Paul Gerhardt (ca. 1653-56)
Translator (into English): Catherine Winkworth (1858)
Translator: Leonard Ivor Gentle
Publication Date: 2009
Topic: Christmas
Source: EH 37
Tune Information
Name: FRÖHLICH SOLL
Composer: Johann Crüger (1598-1662)
Source: Both text and tune first appeared as a chorale in Praxis Pietatis Melica



Media
MIDI file: Fröhlich Soll
More media are available on the tune authority page.




Advertisements