TTT-Himnaro Cigneta ‎#57

57. Ĉarma Krist-vesper'!

1. Ĉarma Krist-vesper'!
Aŭdu: en l' aer'
Sonas de l' anĝela ĥoro,
Kiel en naskiĝa horo,
La tutsama kant':
„Venas la Savant'!”

2. Ĉarma Krist-vesper'!
Jen al nia ter'
Nun Jesuo Krist' alvenas,
Nin per Sia paco benas,
Kiel en ĉiel'
Ĝuas ĝin anĝel'.

3. Ĉarma Krist-vesper'!
Dion laŭdu per
Brila, sankta flamo klara,
Kiu el loĝej' homara
Donas signon pri
Nia fid' al Di'.

4. Ĉarma Krist-vesper'!
En plej alta sfer'
La anĝeloj Dion laŭdas,
Ĉar la tuta tero aŭdas
Pri la ĝoj' de Di' —
Kantu ankaŭ ni!

Text Information

• First Line: Ĉarma Krist-vesper'!
• Title: Ĉarma Krist-vesper'!
• Norwegian Title: Sæle jolekveld!
• Author: Elias Blix (1836-1902)
• Translator: Hans Amund Rosbach
• Language: Esperanto
• Topic: Christmas
• Source: < Adoru Kantante #48 #, < Cent Himnoj #11

Tune Information

• Name: SEELENBRÄUTIGAM
• Composer: Adam Drese (1620-1701)