![Text Text](https://hymnary.org/sites/hymnary.org/themes/newhymn/icons/20x20/page-text.png)
Author: Nikolaus Decius; Adolf Burkhardt Hymnal: THCFinal #11 Lyrics: 1. Al Dio sola estu glor'
Kaj dank' pro Lia graco,
Ĉar liberiĝis nia kor'
De ĉiu ajn minaco.
Favore Li rigardas nin;
Nun regas granda pac' sen fin'.
Konfliktoj devis ĉesi.
2. Vin benas nia laŭda preĝ';
Pro Via glor' ni dankas,
Ke Vi eterne estas reĝ';
Potenc' al Vi ne mankas.
Pro Via forto sen mezur'
Obeas homoj kaj natur'.
Ho, kia bona Estro!
3. Jesuo Kristo, sola Fil'
De Via Patro glora,
Vi, la unika kuracil'
Por pek-malsan' dolora,
Ŝafido Dia, Di-Sinjor':
Aŭskultu voĉon de l' angor',
Kaj ĉiujn nin kompatu!
4. Spirito Sankta, alta don',
Helpema konsolanto,
Nun gardu ĉiujn de malbon',
Al kiuj la Savanto
Pardonis pro la kruc-dolor'.
Mizeron, timojn turnu for.
Ni firme Vin konfidas. Topics: Glory to God Languages: Esperanto Tune Title: ALLEIN GOTT IN DER HÖH
Al Dio sola estu glor'