1 No kjem det Bod fraa Englekor
Med Ord og Ærend slike:
Gud Son, som bur i Æra stor
Og eiger Himmerike,
Vil no vaart Kjøt seg taka paa
og Maandom faa,
Slikt Nytt er utan Like!

2 Maria her ein Bodskap fekk
Fraa Gud, som Englen sende,
So med det Gledebod han gjekk,
Som kling til Heimsens Ende.
Den Møy med Herrens Hugnad sæl
Ved Gabriel
Guds Naade-Helsing kjende.

3 Guds Kraft det yverskyggja skal,
ditt Liv ein Son skal bera
Med guddoms Fylla utan Tal
Og stor i Magt og Æra.
Og Jesus er hans søte Namn,
Som i ein Famn
Skal fødd og fostrad vera.

4 Han er Guds Son so stor og sterk,
Som Satans Magt skal kvæva.
Aa fata dette Underverk
Guds Englar storleg stræva!
Ved honom Jakobs Hus skal staa,
For ahn skal faa
Eit Rike i all Æva.

5 So vilde Gud daa til oss sjaa,
Sitt Folk i Naada gjesta,
So han vaar Gleda auka maa
Og all vaar Von stadfesta,
At han fry oss vil gjera av
Vaart Skuld-Krav,
So inkje meir skal resta.

6 So lat din Ande, Frelsarmann,
Meg kraftig yverskyggja!
Og reid mitt Hjarta med di Hand,
At du kann der faa byggja,
So andeleg eg ogso maa
I Fang det faa,
Meg inkje fraa det styggja!

7 So skal din Himmel i min Barm
Ved Anden innvigd vera.
Mitt Hjarta her i Venting varm
Skal stunda til di Æra,
Til englelik eg eingong maa
Ditt Rike sjaa
Og aldri Synd skal gjera.