The Cyber Hymnal ‎#14972

14972. ലോക ശോക സാഗരെ

1 ലോക ശോക സാഗരെ നീ മുങ്ങുമ്പോൾ
ആകുലപാത്രവാനായ് നീ തീരുമ്പോൾ
കർത്തൻ വാർഷിപ്പിക്കും അനുഗ്രഹങ്ങൾ
എത്രയെന്നു ചിന്തിക്കിച്ചേറ്റം മോദിക്ക

പല്ലവി:
എത്ര മോദമുണ്ടീ-ന്നേരത്തിൽ
ദൈവത്തിൻ കരുണയോർക്കുമ്പോൾ
ഉല്ലസിക്ക ഭാരവാഹിയെ!
ഈശനേറ്റം കരുതുന്നു നിനക്കായ്

2 പ്രാപഞ്ചിക ചിന്തയാൽ വലയുന്നോ?
ക്രൂശു വഹിപ്പാനേറ്റം പ്രയാസമോ?
സന്ദേഹം വേണ്ട നീ കാണും ആശ്വാസം
ഇന്നേരം രക്ഷകൻ പാദം ചേർന്നീടിൽ [പല്ലവി]

3 നശ്വരമാം ധനത്തെ നീ കാണുമ്പോൾ
ലേശം വിഷാദം അസൂയയും വേണ്ട
ശാശ്വതം നിൻ സ്വർഗ്ഗത്തിലെ നിക്ഷേപം
യേശു വാഗ്ദത്തം ചെയ്തല്ലോ നിനക്കായ് [പല്ലവി]

4 കല്ലോല തുല്യമാം അല്ലൽ വന്നീടിൽ
തെല്ലും ഭീതി വേണ്ടല്ലോ മനതാരിൽ
കർത്തൻ നൽകും ആശിസ്സുകൾ ഓർത്തേവം
സ്വർഗ്ഗം ചേരും നേരം വരെ മോദിക്ക [പല്ലവി]

Text Information

• First Line: ലോക ശോക സാഗരെ നീ മുങ്ങുമ്പോൾ
• Title: ലോക ശോക സാഗരെ
• English Title: When upon life's billows you are tempest tossed
• Author: Johnson Oatman, Jr.
• Translator: Unknown
• Refrain First Line: എത്ര മോദമുണ്ടീ-ന്നേരത്തിൽ
• Language: Malayalam
• Copyright: Public Domain

Tune Information

• Name: [ലോക ശോക സാഗരെ നീ മുങ്ങുമ്പോൾ]
• Composer: Edwin Othello Excell
• Key: E♭ Major
• Copyright: Public Domain